МЗС Беларусі накіравала запыт Літве з нагоды надгляду беларускі
Літоўскаму боку накіраваны афіцыйны запыт з нагоды сітуацыі з надглядам беларускай грамадзянкі ў аэрапорце Вільнюса.
Беларускую грамадзянку Вераніку Кошар затрымалі ля трапа самалёта 16 сакавіка ў Вільнюсе. Яе падазравалі ў транспарціроўцы наркотыкаў. У выніку жанчына перажыла не толькі ператрусы, але яшчэ і эндаскапію, МРТ і некалькі рэнтгенаўскіх даследаванняў. Толькі пасля гэтых працэдур беларуску адпусцілі і папрасілі прабачэння.