Азімы рапс на зерне ў Беларусі ўбралі больш як з 40 працэнтаў плошчаў
Паводле даных на 28 ліпеня, збожжавыя і зернебабовыя культуры (без кукурузы, грэчкі і проса) убраны з 246,6 тыс. га, што складае 11,5 працэнта запланаванай плошчы. У Брэсцкай вобласці ўбрана 27,7 працэнта плошчаў ад плана (95,7 тыс. га), Гомельскай вобласці - 16,9 працэнта (58,7 тыс. га), Гродзенскай - 11,7 працэнта (35,6 тыс. га), Мінскай - 10 працэнтаў (45 тыс. га).