«Վարդարը» հաղթեց «Շկենդիային», Հովհաննես Համբարձումյանն ու Տիգրան Բարսեղյանը մասնակցեցին խաղին
Մակեդոնիայի առաջնության 10-րդ տուրում «Վարդարը» սեփական հարկի տակ 4:2 հաշվով հաղթեց «Շկենդիային»:
«Վարդարի» կազմում հանդիպմանը մասնակցեցին Հայաստանի ազգային հավաքականի ֆուտբոլիստներ Հովհաննես Համբարձումյանն ու Տիգրան Բարսեղյանը:
Մեր ընտրանու պաշտպանը մասնակցեց ամբողջ հանդիպմանը, իսկ հարձակվողը խաղադաշտ դուրս եկավ մեկնարկային կազմում և փոխարինվեց երկրորդ խաղակեսի սկզբնամասում:
Այս հանդիպումից հետո «Վարդարը» 19 միավորով զբաղեցրեց մրցաշարային աղյուսակի 2-րդ հորիզոնականը: «Շկենդիան» 25 միավորով շարունակում է գլխավորել մրցաշարային աղյուսակը:
Հիշեցնենք, որ Մակեդոնիայի առաջնության 11-րդ տուրում «Վարդարը» կհյուրընկալվի «Պոբեդային»: