Տեխասի եկեղեցիներից մեկում հնչած կրակոցներից առնվազն 26 մարդ է զոհվել (թարմացված)
00.50
Առնվազն 26 մարդ է զոհվել ԱՄՆ Տեխաս նահանգի եկեղեցիներից մեկում կիրակնօրյա միջոցառման ժամանակ հնչած կրակոցներից. այս մասին տեղեկացնում է BBC-ն։
Աղբյուրը նշում է, որ կրակ բացած անձը ևս սպանվել է՝ ոստիկանության կողմից վնասազերծման գործողության ժամանակ։
Վիրավորների թիվը հասնում է 25-ի։
23.34
ԱՄՆ Տեխաս նահանգի եկեղեցիներից մեկի մոտ հրաձգություն է տեղի ունեցել: Այս մասին հայտնում է Reuters գործակալությունը:
Տեղի ոստիկանությունը հաղորդել է, որ կան զոհեր։ Ականատեսների հաղորդմամբ՝ մի քանի մարդ հրազենային վնասվածք է ստացել: Միջադեպը տեղի է ունեցել Սաթերլենդ-Սփրինգս համայնքում՝ Սան Անտոնիոյից 65 կմ հեռավորությամբ:
Զոհերի կոնկրետ թվի մասին դեռ չի նշվում։ Դեպքի վայր ժամանած ոստիկանները վնասազերծել են հանցագործին: