8 հնարք, որոնք կօգնեն առավել հմայիչ երևալ
Ասում են՝ գեղեցիկը տեսնողի աչքերում է, և յուրաքանչյուրը յուրովի է ընկալում դիմացինի գեղեցկությունը, սակայն հմայիչ լինելու համար որոշակի խորհուրդներից օգտվելն ավելորդ չէ: Այս մասին գրում է The Independent-ը՝ ներկայացնելով գիտականորեն ապացուցված հնարքներ, որոնք օգնում են առավել գրավիչ տեսք ստանալ:
1. Ժամանակ անցկացրեք ընկերների հետ
Ուսումնասիրությունները պարզել են, որ խմբում մարդիկ առավել ակտիվ և հմայիչ են դառնում:
2. Ժպտացեք
Գիտական հետազոտությունները ցույց են տվել, որ մարդ առավել հմայիչ է դառնում, երբ ժպտում է:
3. Խուսափեք կարճ զրույցներից
Մարդիկ հաճախակի են սիրահարվում, երբ երկարատև խոսակցության են բռնվում, հարցնում և պատասխանում են տարբեր թեմաներով հարցերի:
4. Շուն պահեք
Այս հնարքը առավել հաճախ գործում է տղամարդկանց դեպքում: Շուն պահողներն առավել հմայիչ են երևում դիմացինի աչքում:
5. Գազար կերեք
Ուսումնասիրությունը, որի ժամանակ գնահատվել է Կովկասում բնակվող 51 մարդու արտաքինը, ցույց է տվել, որ մաշկի դեղնավուն երանգը հմայիչ տեսք է տալիս մարդուն: Իսկ գազարը հարուստ է կարոտենոյիդներով (դեղին պիգմենտով), որը մաշկն առավել դեղին է դարձնում:
6. Կարմիր գույն կրեք
Կանանց խորհուրդ է տրվում կարմիր գույնի ինչ-որ տարր ներառել հանդերձանքում:
7. Մեջքի կորությունը
Մեքի փոքր-ինչ կորությունը կանանց առավել հմայիչ է դարձնում տղամարդկանց աչքերում: Եվ հենց այդ նպատակով էլ ստեղծվել են բարձրակրունկները, որոնք ստիպում են կնոջը կորացնել մարմինը:
8. Մորուք պահել
Տղամարդկանց խորհուրդ է տրվում մորուք աճեցնել: Գիտնականները նշում են, որ կանանց աչքերում մորուքով տղամարդիկ առավել շատ վստահություն են առաջացնում երկարատև հարաբերութունների համար: