Պուտինի նախընտրական շտաբը վստահված անձանց երրորդ ցանկն է փոխանցել ԿԸՀ-ին
ՌԴ նախագահական ընտրությունների թեկնածու Վլադիմիր Պուտինի նախընտրական շտաբը ԿԸՀ-ին է փոխանցել վերջինիս վստահված անձնաց երրորդ ցուցակը, որը կազմված է 63 մարդուց: Այս մասին РИА Новости-ին հայտնել է շտաբի մամուլի քարտուղար Անդրեյ Կոնդրաշովը:
Կենտրոնական ընտրական հանձնաժողովը հունվարի 12-ին Պուտինի վստահված անձանց ցանկում 259 մարդու է գրանցել: Նրանց թվում են Անատոլի Կուչերենան, Լեոնիդ Յակուբովիչը, Ալեքսանդր Մյասլյակովը, Նիկոլայ Ցիսկարիձեն, Կարեն Շահնազարովը, Մարգարիտա Սիմոնյանը, Յանա Եգորյանը:
Հիշեցնենք, որ ևս 154 մարդ է գրանցվել հունվարի 22-ին: Նրանց թվում են Սերգեյ Բեզռուկովը, Միխայիլ Բոյարսկին, Ալեքսանդր Կալյագինը, Եվգենի Պետրոսյանն ու Միխայիլ Գալուստյանը:
Ներկա պահին ցանկը 413 վստահված անձ է ներառում: