«Ան-148»-ի կործանումից հետո «Սարատովյան ավիաուղիները» կփոխարինի այս մոդելի բոլոր ինքնաթիռները
«Ան-148» ինքնաթիռի կործանվելուց հետո Саратовские авиалинии ավիաընկերությունը կփոխարինի այս մոդելի բոլոր ինքնաթիռները «Յակ-42» և Embraer 190 մոդելներով: Այս մասին հայտնում է РИА Новости-ն՝ հղում անելով ընկերության տնօրենների խորհրդի նախագահ Յուրի Դավիդովին:
«Մենք կփոխարինենք դրանք Embraer 190 և «Յակ-42» ինքնաթիռներով: Դրանք պետք է հերիքեն առնվազն ներկայի համար», - ասել է Դավիդովը:
Ընկերությունում պարզաբանել են, որ այս պահին ընկերության ավիապարկում առկա է վեց «Ան-148», վեց «Յակ-42» և երկու Embraer 190.
Հիշեցնենք, որ երեկ Մոսկվայի մարզի Ռամենսկի շրջանում վթարի է ենթարկվել Մոսկվայի «Դոմոդեդովո» օդանավակայանից մեկնած և դեպի Օրսկ քաղաք ուղևորվող «Ան-148» ինքնաթիռը: Ինքնաթիռն անհետացել է ռադարներից: «Ան-148» ինքնաթիռում եղել է 65 ուղևոր ու անձնակազմի 6 անդամ. նրանք բոլորը մահացել են: