Դանիայի կենդանաբանական այգում ամուրյան վագրը փորձել է անցնել սառած լճակի վրայով, և այն սկսել է ճաքճքել (տեսանյութ)
Դանիայի կենդանաբանական այգիներից մեկը տեսանյութ է հրապարակել, որում պատկերված է, թե ինչպես է ամուրյան վագրը փորձում քայլել սառած լճակի վրայով:
Գիշատիչը նախ վարանում է և անվստահ նայում սառած մակերևույթին, ապա որոշում է անցնել դրա վրայով: Սկզբում կենդանին վստահաբար մի քանի քայլ է անում, սակայն սառույցն սկսում է ճաքճքել, և վագրը դուրս է ցատկում լճակից և զարմացած նայում է ջրին:
Ինչպես նշվում է կենդանաբանական այգու հրապարակման մեջ, Ռոզա անունով վագրը երեք տարեկան է և առաջին անգամ է սառույց տեսնում: