Իտալացիներն սկսում են ջրածնով աշխատող սուպերաքարի սերիական արտադրությունը (լուսանկարներ)
Իտալական Pininfarina ընկերությունը որոշում է կայացրել սերիական արտադրության հանձնել H2 Speed ջրածնային սուպերքարը, որի նախատիպը ներկայացվել էր երկու տարի առաջ Ժնևի ավտոսրահում:
Ինչպես գրում է Motor.ru-ն, միայն այս տարի է ընկերությունը հաստատել մեքենայի թողարկումը: Սուպերքարը կոնցեպտային մոդելի համեմատ փոքր-ինչ խոշոր է ստացվել: Մեքենայի երկարությունը կազմում է 4730 մմ, լայնությունը՝ 1956 մմ, իսկ բարձրությունը՝ 1113 մմ:
Ընկերությունից նշել են, որ մեքենայի չափսերը ստիպված են եղել փոխել բարելավելու համար վարորդի նստելատեղի դիրքը:
Սերիական մոդելի ուժային համակարգի բնութագրիչ հատկությունները չեն բացահայտվում: Հայտնի է միայն, որ H2 Speed-ի բաքը նախատեսված է 8.6 կգ ջրածին տեղավորելու համար:
Նախատիպը համալրված է 500 ձիաուժ հզորությամբ ուժային համակարգով, որի բաքի տարողունակությունը 6.1 կգ է: 100 կմ/ժամը մեքենան զարգացնում է 3.4 վայրկյանում, իսկ առավելագույն արագությունը կազմում է 300 կմ/ժամ:
Ընկերությունը մտադիր է 12 օրինակ կառուցել, որոնցից յուրաքանչյուրի արժեքը կկազմի շուրջ 2.5 մլն դոլար: