Զավեշտալի իրավիճակ կա, երբ ցանքատարածքների մշակման համար արցախցիներն անասնապահությունից ավելի են վախենում, քան հակառակորդից. ԱՀ գյուղնախարար
Զավեշտալի իրավիճակ կա, երբ ցանքատարածքների մշակման համար արցախցիներն անասնապահությունից ավելի են վախենում, քան հակառակորդից. Tert.am-ի հետ զրույցում անկեղծանում է ԱՀ գյուղատնտեսության նախարար Ժիրայր Միրզոյանը, ում խոսքով՝ Արցախի գյուղամերձերում ունեն չմշակվող հողատարածքներ, բայց դիրքերից մի քանի հարյուր մետր հեռավորության վրա ունեն մշակվող հարյուրավոր հեկտար տարածքներ:
«Սահմանային իրավիճակը քիչ է խոչընդոտում գյուղատնտեսության ծավալմանը, վերջին ժամանակ մի քանի անգամ եղել ենք դիրքերում և տեսել ենք, որ որոշ դիրքերում նույնիսկ մի քանի հարյուր մետր հեռավորության վրա կա ցորենի դաշտ, այսինքն՝ մեր քաղաքացիները այդքան դիրքերից հակառակորդից չեն վախենում, որքան անասնապահությունից, որը Արցախում բարձիթողի վրճակում է»,-ասաց նա:
Նախարարի խոսքով՝ Արցախում գյուղատնտեսության առաջ ծառացած ամենամեծ խնդիրը հենց անասնաբուծության կանոնակարգումն է: «Անասնապահությունը լուրջ չարիք է եղել և մնում Արցախում հողագործության համար: Կազմակերպված հոտեր, նախիրներ չունենք վերջին տարիներին, և դրանք լուրջ սպառնալիք են հանդիսանում թե՛ այգեգործության, թե՛ հողագործության համար»,-նշեց նա:
Նախարար Միրզոյանը տեղեկացրեց, որ այդ պատճառով կառավարության կողմից ընդունվել է անասնապահության պարտադիր պահանջները ներկայացնող ծրագիր, որն արդեն ուժի մեջ է մտել:
«Կանոններ են սահմանվել անասուները պահելու համար, անասունների պահվածքի վերաբերյալ, անասնագոմերին ներկայացվող պահանջները: Նաև առաջիկայում աշխատանքներ են կատարվելու համայնքների մակարդակով, որպեսզի ընդունվեն անասունների համար արգելված վայրեր, որպեսզի նաև պատասխանատվության ենթարկելու խնդիրը կարողանանք լուծել»,-նկատեց նա:
Նախարար Միրզոյանը հավելեց, որ արոտավայրերի պակասի խնդիրը չէ, որ անասուները ցանքատարածքներ ու այգիներ են մտնում: «Խնդիրն ավելի շատ անասնապահություն վարելու պահանջի մեջ է: Անասուները բարձիթողի վիճակում են, ամբողջ օրը գտնվում են առանց հսկողության, մի տեսակ սովորության է վերածվել, անասուները իրենք գնում, որտեղ ուզում, արածում են, ջուր են խմում և վերադառնում են»,-նշեց նա:
Ժիրայր Միրզոյանը շեշտեց, որ բացի պարտադիր պահանջներ սահմանելուց իրենք նաև նախաձեռնել են մի ծրագիր, որի շնորհիվ կփորձեն վերականգնել արոտավայրերի բերքատվությունը. «Տարիների ընթացքում չօգտագործելով արատովայրերն որոշ տարածքներում՝ գրեթե յուրաքանչյուր տարի հրդեհվելով՝ այդ արոտավայրեըը դեգրատացվում են և պիտանի չեն արածեցնելու համար: Հիմա նոր ծրագրով 4 համայնքում սկսել ենք փորձնական ծրագիր իրականացնել, որը ենթադրում է արոտավայրերի մակերեսային բարելավում, պարտադիր այդ համայնքերում հերթափոփ արածեցում, որպեսզի ոչ մի կենդանի օրվա ընթացքում առանց հսկողության չմնա, լինի կա՛մ անասնապահի, կա՛մ անասնատիրոջ մոտ»,-ասաց նա:
ԱՀ գյուղատնտեսության նախարարը նշեց, որ նաև այդ համայնքներում անասուների համար խմոցներ են կառուցել, որպեսզի անասունը տեղից տեղ չշարժվի և տեղում՝ արտավայրում, ուենա ջուր խմելու հնարավորություն, և դրանով վերկանգնվի արոտավայրերի նշանակությունը:
«370 հազար հա-ից ավելի արոտավայր ունենք, որի 70 տոկոսը կորցրել է իր նշանակությունը՝ հենց թերարածեցնելու, մի մասն էլ գերարածեցնելու շնորհիվ»,-ասաց նա:
Ի դեպ, նախարարը նշեց, որ ունեն որոշ տարածքներ, որոնք բանակի կողմից կատարված ինժեներական գործողությունների արդյունքում արդեն էլ պիտանի չեն:
«Դա պաշտպանական պլանի շրջանակներում կատարված աշխատանքների համար են, որը չի քննարկվում»,-ասաց նա: