Ուկրաինական ուղղափառ եկեղեցին դադարեցնում է հաղորդակցությունը Կոստանդնուպոլսի հետ
Ուկրաինական ուղղափառ եկեղեցու սինոդը որոշում է կայացրել խզել հաղորդակցությունը Կոստանդնուպոլսի պատրիարքության հետ:
«Հաշվի առնելով Կոստանդնուպոլսի պատրիարքության կողմից կանոնների կոպիտ խախտումն ու ապակառուցողական գործունեությունը՝ ուկրաինական ուղղափառ եկեղեցու հոգևորականները պետք է դադարեցնեն հաղորդակցությունը Կոստանդնուպոլսի պատրիարքության հոգևորականների հետ, իսկ աշխարհականները պետք է դադարեցնեն մասնակցությունը Կոնստանդնուպոլսի պատրիարքության եկեղեցիներում իրականացվող հաղորդություններին»,- РИА Новости-ի փոխանցմամբ՝ ասվում է սինոդի որոշման մեջ:
Կոստանդնուպոլսի միջամտությունը Ուկրաինայի ուղղափառ եկեղեցու գործերին և ուկրաինական եկեղեցական խնդիրը պետական իշխանության մակարդակով լուծելու փորձերն ուկրաինական եկեղեցու եպիսկոպոսների խորհուրդն անօրինական է անվանել:
Հոկտեմբերի կեսերին Կոստանդնուպոլսի պատրիարքությունը հայտարարել էր, որ սկսում է Ուկրաինայի եկեղեցուն աֆտոկեֆալիա հանձնելու գործընթացը: