Հրաձգություն` Ֆիլադելֆիայում. վիրավորվել է 6 ոստիկան
ԱՄՆ-ի Փենսիլվանիա նահանգի Ֆիլադելֆիա քաղաքի հյուսիային հատվածում գտնվող շինություններից մեկում հրաձգություն է տեղի ունենում: Շինությունը շրջափակված է ոստիկանության աշխատակիցների և հատուկջոկատայինների կողմից: Այս մասին հայտնում է «РИА Новости»-ն:
Նշվում է, որ կասկածյալներից մեկը ձերբակալվել է, մյուսը շարունակում է կրակել: Fox News-ի տեղեկություններով` ոստիկանությունն այդ շինությունում հատուկ օպերացիա էր իրականացնում` թմրանյութեր վաճառողներին ձերբակալելու նպատակով:
Իրավիճակին հետևում է ԱՄՆ-ի նախագահ Դոնալդ Թրամփը: Տեղեկությունների համաձայն` հրաձգության հետևանքով տուժել է 6 ոստիկան, սակայն վնասվածքները լուրջ չեն: Հրաձգությունը տևել է 3 ժամ` դադարներով և այժմ էլ շարունակվում է: Ոստիկանությունը փորձում է բանակցությունների միջոցով համոզել, որպեսզի շինությունում գտնվող անձնավորությունը հանձնվի: