Նյու Յորքի նորաձևության շաբաթվա շրջանակում ցուցադրության են հանվել հազվագյուտ սպորտային կոշիկներ (լուսանկարներ)
Bergdorf Goodman մանրածախ առևտրով զբաղվող խանութ-սրահը և GOAT սպորտային կոշիկների օնյալն խանութը համագործակցության արդյունքում հանրությանն են ներկայացրել երկու հազվագյուտ մարզակոշիկներ, գրում է Luxury Launches-ը:
Աղբյուրի հաղորդմամբ՝ սպորտայի կոշիկները ցուցադրվում են Նյու Յորքի նորաձևության շաբաթվա շրջանակում, որը մեկնարկել է օգոստոսի 21-ին: Ցուցահանդեսը տեղի կունենա Bergdorf Goodman տղամարդկանց խանութ-սրահում:
Ցուցահանդեսի ընթացքում հանրությանը կներկայացվեն Chanel x Pharrell Adidas NMD Human Race Trails (16,400 դոլար) և Back to the Future Air Mags (47,250 դոլար) ինքնատիպ սպորտային կոշիկները:
«Այս բացառիկ համագործակցության արդյունքում հույս ունենք, որ կկարողանանք Bergdorf Goodman-ի հաճախորդների համար հետաքրքիր փորձ ապահովել, որի շրջանակում նրանք կարող են անձամբ տեսնել և ձեռք բերել աշխարհի հազվագյուտ և ամենացանկալի սպորտային կոշիկները»,- հայտնել է խանութ-սրահի նորաձևության տնօրեն Բրյուս Պասկը:
Երկու ընկերությունների խոսքով՝ նորաձևության աշխարհում սպորտային կոշիկների կարևորության միտում է նկատվում, և նրանք հույս ունեն, որ այդ միտումը կամրապնդվի: