Ըմբշամարտի ԵԱ. Լևան Բերիանիձեն վերջին րոպեներին ձեռքից բաց թողեց հաղթանակը
Իտալիայի մայրաքաղաք Հռոմում ավարտվեց ըմբշամարտի Եվրոպայի առաջնությունը: Ազատ ոճում գերծանր քաշային կարգում Հայաստանի ներկայացուցիչ Լևան Բերիանիձեն պայքարեց բրոնզե մեդալի համար: Մրցակիցն ադրբեջանցի Ջամալադդին Մագոմեդովն էր: Հայաստանի ներկայացուցիչը 2-2 հաշվով պարտվեց Եվրոպայի ու աշխարհի առաջնությունների բազմակի մեդալակրին:
Հիշեցնենք, որ հունահռոմեականներն ընդհանուր առմամբ նվաճեցին 4 մեդալ՝ 2 ոսկե ու 2 բրոնզե, իսկ ազատ ոճայինները հայրենիք կվերադառնան 2 բրոնզե մեդալով:
Եվրոպայի առաջնությունն օլիմպիական վարկանշային չէր, բայց առջևում կա օլիմպիական վարկանշային 2 մրցաշար՝ Բուդապեշտում ու Սոֆիայում: Հայաստանն այս պահին ունի օլիմպիական 2 ուղեգիր. երկուսն էլ հունահռոմեական ոճում՝ 77 և 97 կգ քաշային կարգերում: