Նյու Յորքում 2 ավտոբուսի բախումից տուժել է ավելի քան 80 մարդ (լուսանկարներ, տեսանյութ)
Նյու Յորքում երկու ավտոբուսի բախման հետևանքով տուժել է ավելի քան 80 մարդ։ Այս մասին հայտնում է ABC News-ը՝ վկայակոչելով Նյու Յորքի հրշեջ ծառայությանը։
Մանհեթենի խաչմերուկներից մեկում բախվել են երկհարկանի զբոսաշրջային ավտոբուսը և քաղաքային ավտոբուսը: Հրշեջ ծառայությունից հայտնում են, որ ոչ ոք լուրջ վնասվածքներ չի ստացել։ Ըստ CBS News-ի, մեծ մասը կտրվածքներ և կապտուկներ ունի, գլխի և պարանոցի որոշ վնասվածքներ: 18 տուժած հոսպիտալացվել է։
Ըստ նախնական վարկածի՝ վթարի մեղավորը եղել է զբոսաշրջային ավտոբուսի վարորդը։ New York City Transit-ի նախագահ Ռիչարդ Դեյվին լրագրողներին ասել է, որ ավտոբուսի վարորդը կարմիր լույսի տակ է անցել: