ევროპის პარლამენტი უნგრეთში, პოლონეთსა და სლოვენიაში მედიის თავისუფლებაზე მსჯელობს
პარლამენტის განცხადებით, კანონმდებლები განიხილავენ ევროპის კავშირის ამ სამი წევრი ქვეყნის ხელისუფლებების მცდელობას, დაადუმონ დამოუკიდებელი მედიასაშუალებები.
პარამენტი რაიმე რეზოლუციას არ მიიღებს.
ევროკავშირი დიდი ხანია აკრიტიკებს უნგრეთის და პოლონეთის მთავრობებს დემოკრატიული თავისუფლებების, მასმედიის, არასამთავრობო ორგანიზაციებისა და კანონის უზენაესობის მიმართ ძირგამომთხრელი მიდგომისთვის.
განცხადებაში ლაპარაკია უნგრეთის ლიბერალად განწყობილი სადგურის, „კლუბრადიოს“ შემთხვევაზე, რომელიც გასულ თვეში გამორთეს, რადგან მთავრობამ უარი თქვას მისთვის მაუწყებლობის ლიცენზიის გაგრძელებაზე.
პარლამენტში მსჯელობენ ასევე პოლონეთზე, სადაც პრემიერ-მინისტრ მატეუშ მორავეცკის ნაციონალისტური მთავრობა გეგმავს, მედიას რეკლამით მიღებული შემოსავალი დაუბეგროს იმ საბაბით, რომ ჯანდაცვის და კულტურის სფეროების დაფინანსება სურს. ამას თებერვალში მოჰყვა კრიტიკა და მედიამ მოაწყო აქცია - „მასმედიის გათიშვა“, რომელშიც ბევრი მედიასაშუალება მონაწილეობდა.
სლოვენიაში, რომელიც ივლისში ევროკავშირის მორიგე თავმჯდომარე გახდება, ჟურნალისტებს სდევნიან და ემუქრებიან ინტერნეტში, სხვათა შორის, პრემიერ-მინისტრის, იანეზ იანსის მხრიდანაც. სლოვენიიდან იტყობინებიან ხოლმე, რომ სახელმწიფო და კერძო მედია პოლიტიკური ჩარევის სამიზნე ხდება.