აშშ-ის და ინდოეთის თავდაცვის მინისტრებმა ორმხრივი ურთიერთობის გაფართოებაზე იმსჯელეს
ოსტინის ორდღიანი სტუმრობა ინდოეთში ბაიდენის ადმინისტრაციის აღალი რანგის წარმომადგენლის პირველი ვიზიტია.
ვაშინგტონი რეგიონში თავის მოკავშირეებთან მეტად დაახლოებას ცდილობს, რათა წინააღმდეგობა გაუწიოს ჩინეთს.
ინდოეთში სტუმრობა დაიწყო ალასკაზე 19 მარტს ჩინეთის და აშშ-ის მაღალი თანამდებობის პირების შეხვედრის შემდეგ. ამ შეხვედრას ვაშინგტონის მაღალი რანგის მოხელემ უწოდა „მკაცრი და პირდაპირი“.
ინდოეთამდე აშშ-ის სახელმწიფო მდივანთან ერთად ოსტინი ეწვია იაპონიას და ჩრდილოეთ კორეას, აშშ-ის ორ, ჩინეთის მოქმედებით უკმაყოფილო, პარტნიორ სახელმწიფოს რეგიონში.
ეს შეხვედრა მოჰყვა Quad-ის - ოთხეულის ალიანსის - პირველ სამიტს. მასში შედიან აშშ, იაპონია, ავსტრალია და ინდოეთი.
ოსტინი ნიუ-დელიში გვიან ჩავიდა, 19 მარტს და შეხვდა პრემიერ-მინისტრს, ნანედრა მოდის, ასევე ეროვნული უშიშროების საკითხებში მრჩეველს, აჯიტ დოვალს.
ოსტინმა „მაღალი შეფასება მისცა ინდოეთის როლს ინდოეთ-წყნარი ოკეანის რეგიონში და თანამოაზრეებთან მზარდ თანაქმედებას საერთო მიზნების მისაღწევად,“განაცხადა პენტაგონის წარმომადგნელმა, ჯონ კირბიმ.