უკრაინაში ომის დაწყების წლისთავზე გაერომ მშვიდობის დამყარების პირობების შემცველი რეზოლუცია უნდა მიიღოს
AP-ის თანახმად, რეზოლუციის პროექტი, რომელიც უკრაინამ წარადგინა, უნდა ითვალისწინებდეს უკრაინის ტერიტორიული მთლიანობის ხელშეუხებლობის პირობას და, ამასთან, რუსეთმა მთლიანად უნდა გაიყვანოს თავისი ჯარი უკრაინის საერთაშორისოდ აღიარებული ტერიტორიიდან.
რუსეთს, გაეროს უშიშროების საბჭოსგან განსხვავებით, არ აქვს ვეტოს უფლება ასამბლეის რეზოლუციისთვის კენჭისყრისას.
მაგრამ გაეროს გენერალური ასამბლეის რეზოლუციას, უშიშროების საბჭოს ასეთივე დოკუმენტისგან განსხვავებით, არ აქვს საერთაშორისო იურიდიული ძალა.