Музейлерден уурдалган буюмдар боюнча кылмыш иши убактылуу токтотулду
- Улуттук тарых музейинин, Гапар Айтиев атындагы көркөм сүрөт музейинин жана Фрунзе атындагы үй-музейдин экспонаттарынын жетишпестиги боюнча укук коргоо кызматкерлери өз учурунда үч кылмыш ишин козгошкон. Азыр бул кылмыш иштери ИИМдин Башкы тергөө башкармалыгында тергелип жатат. Азыр бул иштер боюнча айыпкер катары жоопко тарта турган адамдар аныкталбагандыктан өндүрүштөн убактылуу токтотулган. Бул боюнча азыр тергөө амалдары жүрүп жатат.
Соңку он жылда Мамлекеттик тарых музейинде 503 экспонат, М.В. Фрунзе атындагы мамлекеттик мемориалдык үй-музейде 104 экспонат, Улуттук көркөм сүрөт музейинде жүздөн ашык сүрөт жок болуп чыкканы расмий кабарланган. (ZA)