Ошто арк түрдүү диндердин өкүлдөрү ооз ачарга чогулуп жатышат
Чогулгандар алгач ислам дининдеги жөрөлгөлөргө байланыштуу куран окуп, орозо кармагандар ооз ачат. Андан соң классикалык концерт, мода көрсөтүү сыяктуу маданий иш-чараларга кезек берилүүдө. Православ чиркөөсүнүн окуучулары да келип хор ырдап жатышат.
4-июнда башталган иш-чара 14-июнда жыйынтыкталат. Мусулмандардын ыйык орозо айы да ушул күнү аягына чыгып, 15-июнда айт майрамы белгиленет.
Демилге "Умма" журналына, диний ишмер Кадыр Маликовго таандык экенин уюштуруучулардын бири Мукарам Мадаминова "Азаттыкка" билдирди. (SE)