Осмомартовски марш – Жените маршираа за еднакви права

"Жените во земјава и во 2019 година не се еднакви со мажите на социјално, економско и политичко ниво. Тие и понатаму се пообразовани, но остануваат помалку активни на пазарот на трудот. Насилството врз жените и девојките е жална вистина во Република Северна Македонија, а стереотипите, насилството и мизогенијата кон жените во приватната сфера, но и во јавниот дискурс продолжуваат и не се адресираат".


Ова е пораката на Снешка Илиќ од Платформата за родова еднаквост, неформална мрежа на македонски граѓански организации за женски права составена од 22 организации и мрежи, која денеска трета година по ред организира марш по повод Меѓународниот ден на

жената, овој пат насловен „Дали е среќен 8 Март?“


Маршот почна од паркот Жена борец, во него учествуваат околу 300 жени, но и мажи кои го поддржуваат унапредувањето на нивните права, меѓу нив министрите за труд и социјална политика, за здравство и за информатичко општество, Мила Царовска, Венко Филипче

и Дамјан Манчевски, пратенички, кандидатката за претседател на ВМРО-ДПМНЕ, Гордана Сиљановска, јавни личности.