Новости за 08.05.2019

Лошо планирање на парите за капитални инвестиции и лоша техничка реализација, според експертите, се можните причини зошто е потрошено само малку од планираните пари за крупни проекти. Властите имаат изговори, но и очекувања дека годината ќе биде економска. Најавената „метла“ од страна на премиерот Зоран Заев треба да заигра и во економскиот сектор, велат аналитичарите.

Американскиот државен секретар Мајк Помпео допатува во ненајавена посета на Ирак. Тој претходно ја откажа посетата на Берлин поради, како што соопшти Стејт департментот, „итни прашања“. Посетата на Помпео на Ирак доаѓа во момент на се поголем притисок на САД врз Иран кој се граничи со Ирак. Соединетите држави вчера соопштија дека испратиле повеќе бомбардери од типот Б-52 во областа на Блискиот исток како одговор на можен напад од страна на Иран.

Власта оптимист за преговорите за СЈО, додека, пак, опозицијата молчи. Новоизбраниот претседател се понуди да им помогне на лидерите околу преговорите. Во меѓувреме, судбината на СЈО беше ставена на чекање.

Успешно спроведените претседателски избори ја носат државата во вистинскиот правец и ги олеснуваат заложбите за добивање датум за преговори со Европската унија. Ова, како што соопшти македонската влада, му го порачал заменикот асистент секретар за Европа и Евро Азија во Стејт Департментот на САД Метју Палмер на премиерот Зоран Заев на нивната средба што се одржа во пресрет на отворањето на Генералното Собрание на ЕБОР во Сараево, БиХ. На средбата била потенцирана одличната соработка помеѓу Република... Читать дальше...

Грчкиот премиер Алексис Ципрас најави намалување на даноците за храна и енергија, како и откуп на дел од грчкиот долг од Меѓународниот монетарен фонд. „Овие мерки имаат за цел Грците што поскоро да го почуствуваат заздравувањето на стопанството“, рече тој. Штедењето што го спроведе левичарската влада на Ципрас и овозможуваат на Грција да испалти 3,6 милијарди евра кредит од ММФ. Грција во август лани и официјално излезе од програмите за меѓународна финансиска помош, но и натаму е под засилена контрола на кредиторите.

Претседателот на Србија Александар Вучиќ изјави дека се додека е претседател нема да го признае Косово, особено не во вакви граници, макар бил соборен од функцијата на улица. Тој за Радиот телевизија Србија рече дека идејата за разграничување била отфрлена, како и идејата за каков бил компромис и воспоставување праведни граници меѓу Србите и Албанците. „Немам поим за што ќе разговараме“, изјави тој за состанокот меѓу двете страни во Париз во почетокот на јули.

Поглаварот на Римокатоличката црква Папата Франциск по завршувањето на тридневната посета на Бугарија и на Северна Македонија изјави дека најмногу го импресионирале калуѓерките на Мајка Тереза во Скопје.

Новиот претседател на Северна Македонија Стево Пендаровски, ќе го продолжи курсот на поблиски односи со Европската унија и со НАТО, изјави Владимир Оленченко, од Примаков Институтот за светска економија и меѓународни односи на Руската академија на науките. „Нема знаци дека постојат значителни промени во надворешната политика на Северна Македонија по изборите“, рече Оленченко, додавајќи дека примерот на Северна Македонија е важен за Западот со цел „да го продолжи притисокот врз Србија“.

Денеска, како што вчера изјави премиерот Зоран Заев, би требало да се одржи нова средба на работните групи за Законот за јавно обвинителство. „Верувам дека на таа средба ќе се потврди тоа што го испративме како пораки јас и Мицкоски, што, според мене, претставува исчекор кон постигнување решение за едно од најсуштествените разлики што претходно постоеја“, изјави Заев, додавајќи дека били изброени деновите на затворање на извештајот на Европската комисија.

Ќе биде сончево со мала до умерена облачност. Утрото студено, а преку денот потопло. Ќе дува слаб до умерен ветер од северозападен правец. Утринската температура ќе се движи од -2 до 6, а дневната од 10 до 22 степена. Во Скопје и околината слично време. Утринската температура ќе биде околу 3, а дневната ќе достигне до 19 степени.