Каталонскиот лидер повикува на дијалог со шпанската влада
„Го повикуваме вршителот на должноста премиер на шпанската влада да седне на преговарачката маса за да разговара“, рече Тора пред новинарите, додавајќи дека насилството оваа недела не ја одразува мирната природа на каталонското движење за независност.
„Насилството никогаш не било и нема да биде на нашиот пат, ниту во Барселона, ниту во Тарагона, ниту во Леида, ниту во Гирона“, рече тој, осврнувајќи се на градовите во Каталонија кои се погодени од судирите.