МЗ: Починатиот 24 годишник од Ресен со масивна бронхопневмонија се испишал од болница

Од Министерство за здравство за 24 годишниот пациент од Ресен кој почина како последица на Ковид-19 велат дека тој на инфективното одделение во болницата во Битола бил примен на 24 август како суспектен на болеста. Пациентот, според министерството, имал ниска сатурација и отежнато дишење, биле направени сите потребни лекарски проверки, притоа тој имал масивна бронхопневмонија, ниска сатурација и веднаш му била дадена терапија и бил ставен на кислородна поддршка.


„Откако ја примил терапијата, пациентот одбива да остане на болничко лекување, иако запознаен со сериозноста на состојбата и потребата од доиследување, пациентот бара да биде пуштен на домашно лекување. По потпишана изјава дека си оди на сопствена одговорност, пациентот е испишан со препишана терапија која треба да ја прима во модуларната болница во Ресен“, велат од министерството.



Нови 1037 случаи на ковид, починати 36, најмладиот на 24 годишна возраст


Следниот ден, на 25 август, пациентот како што наведуваат, е донесен од болницата во Охрид за хоспитализација во Битола.


„Веднаш хоспитализиран во тешка општа состојба со ниска сатурација, поставен на двојна кислородна поддршка, интензивна терапија, но и покрај тоа постојано му се влошува состојбата и паѓа сатурацијата. На 27 август утрото и покрај обидите на лекарите да го спасат, пациентот починал“, посочуваат од министерството.


Во системот, како што додаваат од министерството за здравство, не се заведени коморбидитети кај пациентот и тој не бил вакциниран.