مظاهره چیانو د شمال په څو ولایتونوکې د ټاکنو د خپلواک کمېسون دفترونه تړلي دي
د افغانستان د انتخاباتو خپلواک کمېسون به نن شنبه په څلورو شمالي ولایتونوکې د خپلو دفترونو د تړل کېدو په اړه د بحث لپاره بېړنۍ غونډه وکړي.
یوشمېر اعتراض کونکوچې د فاریاب د قیصار ولسوالۍ د سرپرست امنیه قوماندان د خوشي کېدو غوښتنه يې کوله په بلخ، تخار، بادغیس، جوزجان، سرپُل او فاریاب کې د انتخاباتو د خپلواک کمېسون سيمېزدفترونه تړلي دي.
نظام الدین قیصاري له قانونه د سرغړونې او له صلاحیته د ناوړه استفادې په تور نیول شوی او په کابل کې تر څېړنو لاندې دی.
په افغانستان کې د میزان په اته ویشتمه نېټه د ولسي جرګې او ولسوالیو د شوراګانو انتخابات دي.