د پاکستان صدراعظم کابل ته راځي
د پاکستان صدراعظم عمران خان د افغانستان پلازمېنې کابل ته ځي. د افغانستان د بهرنیو چارو د وزارت ویاند ګران هېواد وایي چې عمران خان به د دې اوونۍ تر پایه کابل ته راشي. دی زیاتوي: "د دې سفر په ترڅ کې به د سولې په اړه خبرې وشي، د اقتصادي، سیاسي، امنیتي او تجارتي همکاریو په پراختیا باندې به مفصل بحثونه وشي." د افغانستان ولسمشر اشرف غني د سېپټمبر په ۲۵مه له عمران خان سره په افغانستان کې د اوربند د ټینګېدو په اهمیت غږیدلی و او هغه ته یې بلنه ورکړې وه چې کابل ته راشي. عمران خان په ۲۰۱۸ میلادي کال کې د پاکستان صدراعظم وټاکل شو. Читать дальше...