د امریکايي ځواکونو قومندان او د افغانستان د امنیتي ارګانونو مشران فراه ته تللي
د فراه مرستیال والی مسعود بختورد دې غونډې په اړه ازادي راډیو ته وویل: "په ټوله کې دوی د فراه پر امنیتي وضعیت، د ښار پرامنیتي کمربند او همداشان د نویو عملیاتو په اړه چې د شهید بختور په نوم پیل شوي، مفصلې خبرې وکړې. د دې غونډې هدف دا وو چې په څه ډول د فراه اوسېدونکو ته امنیت ډاډمن کېدای شي، ترڅو لکه د نورو افغانانو په څېر دوی په آرامه فضاکې ژوند وکړي".
د ښاغلي بختورپه وینا جنرال سکاټ میلرپه دې غونډه کې ټینګار وکړ چې پروسله والو طالبانو به هوایي بریدونو ته ادامه ورکړي.
د فراه په ډېرو ولسوالیو کې طالبان فعال دي.