اوکراین کې سلګونو کسانو د یوه لانجمن مشر د زوکړې ورځ ولمانځله
د غوندې ګډونوالو چې شمېر یې زر تنه ښودل شوی د سټیپان د درنښت لپاره په کییف ښار کې شمعې بلې کړې وې.
سټیپان په دویمه نړیواله جګړه یوه وسله واله ډله رهبري کوله.
دی که څه هم اوکراینیانو ته یو اتل دی خو په روسیه کې د یوه خایین په سترګه ورته کتل کیږي چې د شوروي اتحاد په وړاندې یې له نازیانو سره لاس یو کړی و.
د اوکراین پولیسو ویلي چې په کیف کې د سټپيان باندرا په یاد جوړه شوې غونډه او لاریون په سوله ییزه توګه پای ته ورسېده او څوک نیول شوي نه دي.