د داعش خراسان څانګې یو بل مسؤل ونیول شو
دغه ریاست نن په یوه اعلامیه کې ویلي، منیب چې په اصل کې د پاکستان اوسېدونکی دی په ابوبلال، حاثر، ابوهلال او ابوهُمام هم مشهور دی.
د اعلامیې په حواله دغه نیول شوی کس له نورو ترورېستي شبکو لکه لشکر طیبه، حقاني شبکې، سپاه صحابه او نورو افراطي ډلو سره د داعش د خراسان څانګې د همغږۍ او ارتباطاتو مسؤل و.
د ملي امنیت عمومي ریاست وايي نیول شوی وګړی تر دې مخکې د القاعده شبکې له کليدي غړو و.
په اعلامیه کې نهدي ویل شوي چې دغه مشکوک کس چېرې او دقیقاً کله نیول شوی دی.
ملي امنیت د وري پر ۱۶مه هم د داعش د خراسان څانګې رهبر عبدالله اورکزي د نیولو خبر ورکړی و.
دغه ریاست ویلي وو، دغه کس په اسلم فاروقي مشهور و چې د دې ډلې له ۱۹ نورو مشکوک غړو سره نیول شوی دی.
اسلم فاروقي په کابل کې د سېکهانو پر ګوردواره د مارچ د ۲۵مې د حملې یو طراح بلل شوی چې لږترلږه ۲۵ کسانیې په نتیجه کې وژل شوي وو.