غزني کې د ۱۵۰۰ ټنه توکو ساتنې لپاره سړه خونه جوړېږي
د غزني ولایت د کرنې، اوبو لګولو او مالدارۍ رياست رئیس عبدالولي کوچي نن ازادي راډیو ته وویل، د دې سړې خونې په جوړولو ۱۸۰ میلیونه افغانۍ لګښت راځي چې د ملي پراختیا شرکت لهخوا ورکړل شوی.
نوموړي وویل چې دغه سړه خونه په لمریزې برښنا هم سمبالېږي.
تر دې وړاندې په دې ولایت کې د کچالو د ساتلو لپار وړې سړې خونې جوړې شوې وې، خو د تازه مېوو او سبو د ساتلو لپار په معیاري بڼه کومه سړه خونه نهده جوړه شوې.
د غزني د کرنې، اوبو لګولو او مالدارۍ رئیس عبدالولي کوچى وایي، د دې سړې خونې د جوړولو چارې په دوو کلونو کې بشپړېږي او د ده په خبره په جوړولو کې یې د دوو کلونو لپاره د ورځې ۲۴ کسانو ته د کار زمینه هم برابرېږي.
مڼه، انګور، زردالو، بادرنګ، رومي بانجان او کچالو د غزني ولایت تر ټولو عمده سبزي او مېوې دي چې ټاکل شوې په دې سړه خونه کې وساتل شي او بیا بستهبندي او پروسس شي.
د افغانستان د کرنې او مالدارۍ وزارت د هېواد په ۱۲ ولایتونو کې د سړو خونو د جوړولو چارې پیل کړې دي.