Новости за 09.11.2022

Вазири иттилооти Эрон телевизиони “Iran International” (Эрон Интернешнл)-ро, ки бо забони форсӣ барои мардуми Эрону Тоҷикистон ва Афғонистон барнома пахш мекунад, як “созмони террористӣ” эълон кард.

Даҳҳо миллион шаҳрванди Амрико дар интихоботи миёндаврии ин кишвар иштирок карданд.

     Маркази бисёрфунксионалии муҳоҷирати Маскав (МБМ) дар Тоҷикистон намояндагии худро боз кард. Вазифаи асосии Марказ аз он иборат аст, ки ба сокинони ҷумҳурӣ дар пайдо кардани кор дар Маскав ва вилояти Маскав, гузаронидани тамоми санҷишҳои зарурӣ, аз ҷумла малакаҳои касбӣ, донистани забони русӣ ва иҷозати кор ба Русия, инчунин кӯмак ба корфармоён дар пайдо кардани кормандони эҳтимолӣ.

Дар Узбекистон мехоҳанд, ба ҳар хориҷие, ки ба иқтисоди ин кишвар 1 миллион доллар сармоягузорӣ мекунад, шаҳрвандӣ пешниҳод кунанд.

Додгоҳи шаҳри Бишкек дархости фаъолони датсгиршударо дар бораи бознигарии ҳукм баррасӣ мекунад.

Ҳукумати Қазоқистон тағйиротеро ба қонун таҳия кардааст, ки донистани забони қазоқӣ, таърих ва асосҳои қонунгузории миллиро ҳангоми дарёфт ё барқарор кардани шаҳрвандии ин кишвар ҳатмӣ мегардонад.

Пайвандони Муҳаммадӣ Раҳматуллоҳ, ки замоне ӯро "раҳбари салафиҳои Тоҷикистон" ном мебурданд, иддао доранд, ки пойҳояш аз ҳаракат мондааст. Вай 2-юми ноябр боздошт шуд.

Масъулони мактабҳои тоҷикӣ дар Қазоқистон аз нарасидани китобҳои дарсӣ шикоят доранд. Мушоҳидаи хабарнигорони Радиои Озодӣ нишон дод, ки дар китобхонаи ин мактабҳо ёфтани адабиёти тоҷикӣ мушкил аст. Мақомоти Тоҷикистон пештар гуфта буданд, барои мактабҳои тоҷикии Қазоқистон китоб мефиристанд.

Додгоҳи шаҳри Душанбе як зодаи вилояти Бадахшонро, ки бо танқидҳояш аз кори мақомоти Тоҷикистон шинохта буд, ба 13 сол зиндон маҳкум кардааст. Рамзӣ Вазирбеков моҳи июли имсол дар шароити мармуз дастгир ва ҳукмаш паси дарҳои баста дар боздоштгоҳ эълон шуд. Тафсилоти ҳукм дастрас нест.

Муҳаммадӣ Раҳматуллоҳ (Муҳаррамов Муҳаммад Раҳматуллоевич), ки замоне ӯро "раҳбари салафиҳои Тоҷикистон" ном мебурданд, баъди бештар як соли раҳоӣ аз зиндон, дигарбора боздошт шудааст. Пайвандонаш дар маҳаллаи Чоряккорони Душанбе гуфтанд, дар бораи сабаби боздошти ӯ маълумот надоранд.

Пулиси Олмон дар доираи парвандаи ҷиноии Алишер Усмонов, сарватманди узбектабори Русия, дар намояндагиҳои бузургтарин бонки Швейтсария дар Олмон кофтукоб анҷом дод.

Вазорати молия ва Департаменти давлатии Амрико ғайримустақим аз бонкҳои бузург, аз ҷумла JPMorgan ва Citigroup хостаанд, аз ҳамкорӣ бо "ширкатҳои мушаххаси русӣ" худдорӣ наварзанд. Дар ин бора хабаргузории Bloomberg иттилоъ медиҳад.

Ҳоло маълум нест, ки онҳо ба хидмати якмоҳаи пулакӣ рафтаанд ва ё ба хидмати муқаррарӣ.

Мансабдорони Қазоқистон беш аз як миллион долларро дар қиморбозӣ ё казино бохтаанд. Харҷи ин миқдор маблағ, ки аз маошу даромади кормандони давлатӣ бештар аст, дар ҷомеа мавҷи танқидҳоро ба бор овардааст.

Дар мусобиқоти қаҳрамонии бокси Осиё миёни мардон ва занон, ки дар пойтахти Урдун - шаҳри Уммон ҷараён дорад, аз байни муштзанҳои тоҷик ду нафар – Баҳодур Усмонов ва Муҳаммад Аброриддинов - муборизаро дар нимфинал идома медиҳанд.

Президенти Тоҷикистон ҳангоми кушодани бинои як қисми ҳарбии Вазорати корҳои дохилӣ аз чанд “хатари ҷиддӣ” ба кишвар ном бурд.

Дар садамае дар Русия ду шаҳрванди Тоҷикистон ҷон бохта, панҷ нафари дигар, аз ҷумла се кӯдак, маҷруҳ шудаанд. Вазъияти баъзе аз онҳоро "вазнин" арзёбӣ мекунанд.

Аз 1 то 7-уми ноябр дар шаҳри Алматои Қазоқистон 8-умин ҷашнвораи театрҳои Осиёи Марказӣ баргузор шуд. Дар ин фестивал аз Тоҷикистон ҳунармандони театри Камоли Хуҷандӣ иштирок карданд.

Фаъоли мадании туркман Нурбердӣ Бозоров, ки мақомоти Туркманистонро танқид мекард, рӯзи 29-уми октябр дар шаҳри Истамбули Туркия боздошт шудааст. "Ӯ дар ҳоли ҳозир дар маркази ихроҷи шаҳрвандони хориҷӣ дар Истамбул нигаҳдорӣ мешавад. Ӯро мехоҳанд, ба Туркманистон ихроҷ кунанд", - гуфт фаъоли дигари туркман Нурмуҳаммад Аннаев ба бахши туркмании Радиои Озодӣ. Аннаев ва фаъолони дигари туркман бар ин назаранд, ки Бозоров бо дархости мақомоти Туркманистон дастгир шудааст. Онҳо мегӯянд, Нурбердӣ Бозоров... Читать дальше...

Фурудгоҳи байналмилалии шаҳри Душанбе субҳи имрӯз, 9-уми ноябр серодам буд. Ҳаводорони варзиш ва сокинони пойтахт ба истиқболи паҳлавони машҳури тоҷик Темур Раҳимов омада буданд. Ӯ се рӯз баъд аз пирӯзӣ дар мусобиқаи байналмилалии ҷудо дар Боку, ба Тоҷикистон баргашт.

Маълумоти "Росстат" нишон медиҳад, ки дар давоми ҳашт моҳи соли 2022 шумори рекордии муҳоҷирони корӣ Русияро тарк кардаанд.

Пажӯҳишгоҳи тадқиқоти экологии Осиёи Марказӣ рӯзи 8--уми ноябр хабар дод, ки дар соҳили баҳри Хазар, дар ҳудуди вилояти Манғистауи Қазоқистон беш аз 100 тюлен ё саги дарёии мурдаро пайдо кардаанд. Манбаъ афзуда, ки дар ҳоли ҳозир омӯзиши хатти соҳил идома дорад. Ҳукумати вилояти Манғистау ва Кумитаи моҳипарварии Вазорати экологияи Қазоқистон барои ҷамъоварии тюленҳо техника ва кормандонро ҷудо кардааст. Кормандони ин ду ниҳод ҳамчунин минтақаҳои дигари соҳили баҳри Хазарро аз назар мегузаронанд. Читать дальше...