Eýranda ýük ulag sürüjileri protestlere raýdaşlyk hökmünde iş taşlaýyş geçirýärler
Eýranda ýük ulag sürüjileri tapgyr üç gün bäri iş taşlaýyş geçirýärler.
Howpsuzlyk gulluklarynyň haýbatlaryna hem garamazdan olara goşulýanlaryň sany barha artýar.
Merkezi Isfahan şäherinde ýük ulaglary duralgadan çykmadylar. Sosial mediada Kazwin, Kermanşah, Marand we Bandar Abbas şäherlerinde hem ýük sürüjileriniň iş taşlaýyşa goşulandygyny görse bolýar.
Eýranda protestler sentýabr aýynda aýal-gyzlaryň hukuklaryny goraýjy 22 ýaşly Mahsa Amininiň polisiýada urlup, öldürilenden soň başlandy. Bir hepdede protestler tutuş ýurda, paýtagt Tährany öz içine alýan otuzdan gowrak şähere ýaýrady.