Türkmenistan Eýran ýük ulaglaryna girizen gadagançylygyny ýatyrdy – Eýran mediasy
Türkmenistan pandemiýa aladalarynyň arasynda mundan üç ýyl ozal Eýran bilen araçäkdäki ýapan “Inçeh Boroun” serhet terminalyny gaýtadan açdy.
Bu barada Eýranyň “Financial Tribune” neşiri ýurduň Golestan welaýatynyň gümrük resmilerine salgylanyp 26-njy noýabrda habar berdi.
Ýerli resmileriň maglumatyna görä, pandemiýadan ozal bu terminaldan günde “80-140 aralygynda” ýük ulaglary geçipdir. Eýran ýük sürüjileriniň eýýäm Türkmenistanyň wizasyny almak üçin ýüz tutýandyklary bellenilýär.
Eýran resmileri “Inçeh Boroun” serhet terminalyndan her gün 20-ä golaý türkmen ýük ulagynyň geçýändigini nygtaýarlar.
Gonbad-e Kawus şäherinde ýerleşýän bu serhet terminaly Golestan welaýatynda hem demir ýol, hem-de gara ýol arkaly transport we tranzit hyzmatlaryny hödürleýän ýeke-täk geçelgedir.