Новости за 28.11.2022

Питрәч районының Ленино-Кокушкино авыл җирлеге депутаты Екатерина Андронова мобилизацияләнүчеләрнең гаиләләренә азык-төлек җыелмалары тапшырды.

27 ноябрь көнне Төмәндә Татар мәдәнияте үзәгендә себер татар теле көне бәйрәме уздырылды.

Галимнәр ярканатларда биш яңа вирус, шул исәптән ковидка якын булганын да тапкан, дип хәбәр итә РИА Новости.

Татарстанда салкын һава торышы ял көннәренә кадәр саклана. Бу ТР Гидрометеорология үзәге тарафыннан таратылган фараздан күренә.

Татарстан Президенты Рөстәм Миңнеханов Азәрбайҗандагы татар оешмалары вәкилләре белән очрашты. Ул республикада яшәүче татарлар үз мәдәниятләрен саклауга зур өлеш кертәләр, дип билгеләп үтте.

Татарстанда өченче тәүлек 11 яшьлек малайны эзлиләр. Билгеле булганча, 26 ноябрьдә ир бала Васильево бистәсендә өеннән чыгып киткән һәм башка кайтмаган, дип хәбәр ителә «Лиза Алерт» отрядының социаль челтәрдәге рәсми аккаунтында.

Финалда унбер кыз «Татар кызы-2022» исеме өчен көч сынаша.

Көндез коткаручыларга Мамадыштагы «Яшьлек» паркы каршында бозда бер ир-ат ятуы, ә аның янәшәсендә бозваткыч һәм рюкзагы булуы турында хәбәр иткәннәр, диделәр «Татар-информ» мәгълүмат агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә.

Әлмәттә мобилизацияләнгән ир-атларның әниләренә азык-төлек җыелмалары тапшырылган. Анда дөге, карабодай, чәй, конфет, куертылган сөт, вафли, ит консервасы кергән. Әниләр көненә багышланган мондый бүләкләрне тапшыру бүген авыл җирлекләрендә дә дәвам итә, дип хәбәр иттеләр «Татар-информ»га район башлыгының матбугат хезмәтендә.

Чаллы шәһәренең «Ак мәчет» мәдрәсәсенә 30 ел тулу уңаеннан юбилей тантанасы булды. Әлеге уңайдан уку йортының тарихына багышлап мәдрәсәнең актлар залында күпләгән галимнәр һәм җитәкчеләр катнашында конференция үтте. Тантана «Ак мәчет» һәм мәдрәсә оешу тарихын чагылдырган видеосюжет белән башланып китте. Соңрак Коръәннән аятьләр укып, дога кылынды һәм кунакларның чыгышлары белән дәвам итте. Бу хакта ТР Диния нәзарәте хәбәр итә.

Октябрь аенда Татарстан хакимияте мобилизацияләнгәннәрнең балигъ булмаган балалары өчен 20 мең сум күләмендә бер тапкыр бирелә торган акча билгеләде, дип искәртте ТР Хезмәт, халыкны эш белән тәэмин итү һәм социаль яклау министры Эльмира Зарипова. Хәзерге вакытта түләүләрне билгеләү финал этабында, диде ул РИА Новости агентлыгына интервьюда.

Моннан тыш, зиратта өстәмә видеокүзәтү камералары куелган.

Татарстанда гыйнвардан алып август аена кадәр 24,1 мең кеше туган, ә 30,2 мең кеше үлгән. Шулай итеп, халыкның кимүе 6,1 меңнән артык кеше тәшкил итте, диде ТР Хезмәт, эш белән тәэмин итү һәм социаль яклау министры Эльмира Зарипова РИА Новости агентлыгына биргән интервьюсында.

Бүген, 28 ноябрьдә, Теләчедә “Яңа гасыр” каналының “Алмаш” сериалын тәкъдим итү чарасында сценарий авторы Альберт Шакиров тамашачыларга хәзерге татар авылларының ныклыгын күрсәтәсе килүен әйтте.

27 ноябрьдә Башкортстанның атказанган артисты Фәния Сәйфуллина вафат булган. Быел аңа 75 яшь тулган. Бу хакта NewsBash хәбәр итә.

2022 елның гыйнвар-август айларында  Татарстанда 24,1 меңләп кеше туган, 30,2 мең кеше үлгән.

Бүген Татарстан Республикасы Президенты Рөстәм Миңнеханов эш сәфәре белән Азәрбайҗанга килде. Баку шәһәренең халыкара аэропортында аны Азәрбайҗан икътисад министры урынбасары Сәхиб Аләкбәров, Россиянең Азәрбайҗандагы Гадәттән тыш һәм Тулы вәкаләтле илчесе Михаил Бочарников һәм Азәрбайҗанның Россия Федерациясендәге илчесе Полад Бүлбүл оглы каршы алды. Бу хакта ТР Президенты матбугат хезмәте җитәкчесе Лилия Галимова хәбәр итте.

Бөтенроссия җәмәгатьчелек фикерен өйрәнү үзәге үткәргән сораштыру мәгълүматлары буенча, быел россиялеләрнең дүрттән бер өлеше уку курсларына йөри, уку буенча әдәбият белән кызыксына башлаган һәм өстәмә белем алырга карар кылган.

29 ноябрьдә, Татарстан Республикасы флагы көнендә, Казан телевидение манарасы архитектура-сәнгать бизәлешендә була.

Шәһәр кибетендә катыргыдан эшләнгән Һитлер сыны сатылган. Сынны 11 яшьлек балага сатканнар, моны кызның әнисе төшереп алган һәм полициягә мөрәҗәгать иткән. Кибет администраторына ике мең сум штраф салганнар. Аны наци символикасын күрсәтүдә гаепле дип тапканнар.

Иртәгә, 29 ноябрьдә, Татарстан территориясендә һава торышын элеккечә антициклон билгеләячәк. ТР Гидрометеорология үзәге хәбәр итүенчә, температура фоны тагын бераз түбәнәячәк.

«Үзеңнең кем икәнеңне танып белү – халкыңның кем икәнен белү ул, телеңнең кайдан чыкканын, аның кадерен, киләчәккә баруның юлын күрсәтә», - диде шагыйрә

Татарстан Президенты Рөстәм Миңнеханов Үзбәкстанның Сырхандәрья өлкәсе хакиме Тура Боболов җитәкчелегендәге делегация әгъзалары белән очрашты. Бу хакта республика җитәкчесенең матбугат хезмәте хәбәр итә.

В Региональном общественно-государственном объединении «Добровольное общество содействия армии, авиации и флоту (ДОСААФ) Республики Татарстан» подвели итоги работы за год военно-патриотического клуба «Легенда» города Нурлат.

“Егетне өе янында тотып алган булганнар, аның сугышка барасы килмәгән, әмма хәрби комиссариаттан качу мөмкинлеге дә булмаган. Нәтиҗәдә проблемны шулай хәл итте", дип сөйли башка бер мобилизацияләнүче.