Новости за 01.06.2023

Бүген «Зәй-информ» коллективына яңа җитәкче тәкъдим ителде. Ул – Александр Кузьмич Исаков. Бу хакта «Зәй хәбәрләре» язды.

10 июньдә Башкортстанның Салават районында башкорт халкының милли герое Салават Юлаевның тууына 269 ел тулуга багышланган «Салават җыены» республика фольклор бәйрәме була. Бу хакта «Башинформ» агентлыгы хәбәр итә.

18 июньдә Сургут шәһәренең үзәк мәйданында Сабан туе була. Бу турыда Бөтендөнья татар конгрессы хәбәр итте.

Бүген Татарстанның Апас районы Татар Черкене авылында яшәүчеләр ата-бабалар истәлегенә багышланган чуваш халкының «Симек» йола бәйрәмен үткәрде. Биредә шушы чара белән кыр эшләре тәмамлануын билгеләп үтәләр. Бу турыда «Татар-информ» яза.

24 майда Саранскиның Ислам мәдәни  кызлар һәм әниләр җыелып, гаиләдә яратып пешерелә торган милли ризык рецептлары белән бүлеште. Бу хакта Бөтендөнья татар конгрессының матбугат хезмәте хәбәр итә.

Самара шәһәренең Тарихи мәчете (Алексей Толстой урамы, 61) мәктәп яшендәге малайлар һәм кызлар өчен ислам нигезләрен һәм Коръән укырга өйрәнү буенча көндезге курслар оештыра. Бу хакта «Самар татарлары» сайты хәбәр итә.

Россия Президенты Владимир Путин тәүлегенә якынча 6-7 сәгать йоклавын һәм даими рәвештә спорт белән шөгыльләнүен әйтте. «Ата-ана даны» орденына лаек булган гаиләләр белән видеоэлемтә буенча узган очрашуда ул үз графигы, шулай ук эшендә таяна торган принциплар турында сөйләде.

Татарстанда «Лада» автомобиле һәм автокран катнашындагы юл һәлакәтендә җиңел машинаның йөртүчесе зыян күргән. Бу хакта «Татар-информ» агентлыгына авариянең шаһитлары хәбәр итте.

Бүген Татарстан Хөкүмәте Йортында «Җитештерүчәнлек 360» V федераль форумын әзерләү һәм үткәрү буенча оештыру комитеты утырышы узды. Оештыру комитетын ТР Премьер-министры Алексей Песошин үткәрде.

Татарстан Рәисе Рөстәм Миңнеханов «Беренчеләр хәрәкәте» Гомумроссия балалар һәм яшьләр иҗтимагый-дәүләт хәрәкәте белән хезмәттәшлек буенча Республика координацион советының киңәйтелгән утырышын үткәрде. Бу хакта республика җитәкчесенең матбугат хезмәте хәбәр итә.

Казанда бишенче кат тәрәзәсеннән 2 яшьлек бала егылып төшкән һәм һәлак булган. Фаҗига Минск урамындагы йортта булган. Бу турыда Татарстан прокурорының өлкән ярдәмчесе Руслан Галиев хәбәр итте.

Лаеш районы сессиясендә Лаеш муниципаль районы башкарма комитетының яңа җитәкчесе сайланды. Әлеге вазифага элегрәк башкарма комитет җитәкчесе урынбасары вазифасын биләгән 33 яшьлек Азат Нурмөхәммәтов билгеләнде. Депутатлар бертавыштан аның кандидатурасы өчен тавыш бирде.

Бүген, 1 июнь – Халыкара балаларны яклау көнендә, «Туган авылым» комплексында «Балачак бәйрәме» чарасы уза.

Мәчет Әбүгалисинә исемен йөртәчәк.

Казанда җәмәгать туклануы павильоны сатучысын кыйнау фактыннан соң полиция хезмәткәрләре тикшерү үткәрә. Бу хакта Россия Эчке эшләр министрлыгының Казан шәһәре буенча идарәсе матбугат хезмәтеннән хәбәр иттеләр.

Бүген Казанда Халыкара балаларны яклау көне кысаларында Республика балалар клиник хастаханәсе җирлегендә тантаналы рәвештә «Тыныч бакча» рухи үзәк комплексы төзелеше башланды. «Тыныч бакча» рухи үзәге ике бинадан – «Әбүгалисина» мәчетеннән һәм православ чиркәүдән торачак. Бу турыда Татарстан Диния нәзарәте хәбәр итте.

Праздничное мероприятие состоялось в ландшафтном парке «Кондурча».

Бүген балалар Казан белән танышты.

Россия Премьер-министры Михаил Мишустинга илебездә ясалган планшетның бәрелү-сугылуга ни дәрәҗәдә чыдам булуын күрсәттеләр. РФ вице-премьеры Дмитрий Чернышенко Түбән Новгородта узган «Сәнәгый Россиянең цифрлы индустриясе» конференциясендә аның кулыннан планшетын алып идәнгә ыргытты.

Казанлылар һәм шәһәр кунаклары 6 июньдә Татарстан Милли музеенда һәм аның филиалларында бушлай була алачак.

15 июньдә Мәскәүнең «Октябрь» кинотеатрында татар режиссеры Илшат Рәхимбайның «Микулай» фильмы тәкъдим ителәчәк. Бу хакта Татарстанның Россиядәге Вәкаләтле вәкиллеге хәбәр итә. Картина сценарийлар авторы һәм драматург Мансур Гыйләҗевның керәшен авылының соңгы кешесе турындагы шул исемдәге пьесасы буенча төшерелгән.

Сегодня,1 июня в Кабинете Министров РТ прошло награждение победителей фестиваля «Созвездие-Йолдызлык».

Здесь проходил региональный этап чемпионата «Абилимпикс» по компетенции «Выпечка осетинских пирогов».

Россиядә дәүләт хезмәткәрләренә Американың Apple компаниясе смартфоннарын файдалану тыела, дип белдерде РФ Президентының матбугат секретаре Дмитрий Песков. Шул ук вакытта, ул кайбер түрәләрнең шәхси максатларда айфон куллануын дәвам итүен билгеләп үтте. Бу хакта РИА Новости агентлыгы хәбәр итә.

Роман Попков гаепләүләрне кире кага.