Татарстан синоптиклары көчле җил турында кисәтә
(Казан, 17 август, «Татар-информ»). 18 августта төнлә һәм көндез Татарстан территориясендә урыны белән көчле җил көтелә. Бу хакта Татарстан Гидрометеорология үзәге кисәтә.
Төньяк-көнбатыштан искән җилнең тизлеге секундына 15-18 метрга кадәр җитәчәк.
Элегрәк «Татар-информ»га КФУ профессоры Юрий Переведенцев Казанда начар һава торышының никадәр озак тоткарланачагы турында хәбәр иткән иде.