«Сөембикә» операсы Шаляпин фестивале программасына кергән
(Казан, 28 гыйнвар, «Татар-информ», Рузилә Мөхәммәтова). «Сөембикә» операсы Шаляпин фестивале программасына кергән. Спектакль 22 февральгә билгеләнгән.
Шаляпин исемендәге халыкара опера фестивале Җәлил исемендәге опера һәм балет театры сәхнәсендә 1 — 27 февраль көннәрендә үтә.
Афишада 9 спектакль һәм 2 гала-концерт. Программада — «Пиковая дама», «Турандот», «Травиата», «Трубадур» һәм башка спектакльләр.
«Сөембикә» операсының премьерасы 2018 елның сентябрендә булды. Ул 2019 елда Ф.Шаляпин исемендәге Халыкара опера фестивале программасына кертелмәгән иде. 2020 елда программага кертелде.
«Сөембикә» операсының композиторы — Резеда Ахиярова, либретто авторы — Ринат Харис. Режиссер — Юрий Александров. Рәссам — Виктор Герасименко.