Алинә Заһитова 175нче мәктәп янындагы мемориалга чәчәкләр салды
(Казан, 14 май, «Татар-информ»). Россия фигуралы шуу остасы, Олимпия чемпионы Алинә Заһитова 175нче гимназиядә атуда һәлак булганнарны искә алу өчен Казанга килде. Видео Instagram социаль челтәрендә урнаштырылган.
Заһитова мәктәп бинасы янында фаҗига көнендә барлыкка килгән мемориал янында булды, чәчәкләр салды.
Гимназиядә ату 11 майда булды. Нәтиҗәдә тугыз кеше — җиде бала һәм ике педагогның гомере өзелде. Хәзерге вакытта Балалар республика клиник хастаханәсендә фаҗигадә зыян күргән 15 бала дәвалана. Сигез кеше, шуларның бишесе мәктәп укучылары, Гадәттән тыш хәлләр министрлыгы махсус бортында Мәскәүнең алдынгы клиникаларына дәвалануга җибәрелде.