«Татфондбанк»ның элеккеге башлыгының эшен Татарстанның Югары судында яңадан караячаклар
Казанга Самарадан Роберт Мусинның җинаять эше кайтты. Гомуми юрисдикциянең алтынчы кассацион суды карары буенча Татарстан Югары судының җинаять коллегиясе, барлык апелляция шикаятьләрен исәпкә алып, «Татфондбанк»ның элеккеге башлыгының хөкем карарының законлылыгын кабат караячак.
«Эш материаллары 17 июльдә килде, хәзерге вакытка беренче утырыш көне билгеләнмәгән», - дип хәбәр иттеләр «Татар-информ» Татарстан Югары суды матбугат хезмәтендә.
Искәртик, узган елның сентябрендә Казанның Вахитов район суды элеккеге банкирны рәшәткә артына 12 елга җибәрде. Эш буенча зыян 50 млрд сум дип бәяләнде.
Суд карарына шикаять бирелде. Фикер алышуда прокуратура хөкем карарын үзгәрешсез калдырырга сораган, Мусин җәзаны йомшартуны һәм эшне яңадан квалификацияләүне сорады.
Аларның дәлилләрен тыңлап, Татарстан Югары суды коллегиясе Роберт Мусинга хөкемне бер елга йомшартырга булды. Ул 12 ел урынына 11 ел рәшәткә артында үткәрәчәк.