Татарстан синоптиклары чираттагы тапкыр кырау турында кисәтә
Татарстанда ике төн рәттән, 27 һәм 28 майда кабат һава температурасы төшәчәк. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.
Дүшәмбе һәм сишәмбе төнлә республикада урыны белән һавада һәм туфракта -2 градуска кадәр кырау булуы ихтимал.
28 майда төнлә төбәкнең көнчыгыш һәм көньяк районнарында кырау төшү ихтималы зур.
«Татар-информ» хәбәр иткәнчә, ялларда Татарстанга эсселек килә, әмма аннары республикада кабат салкынайтырга мөмкин.