Метшинга Россия Президентының Идел буе федераль округындагы вәкиллеге бүләге тапшырылды
Казан мэры Илсур Метшин Россия Президентының Идел буе федераль округындагы Тулы вәкаләтле вәкиллегенең Рәхмәт хатын алды. Аны эшлекле дүшәмбедә Татарстан буенча баш федераль инспектор Виктор Демидов тапшырды.
«Хөрмәтле коллегалар, бүген минем өчен мэриядә булу һәм минем җитәкчем, Россия Федерациясе Президентының Идел буе федераль округындагы Тулы вәкаләтле вәкиле Игорь Анатольевич Комаров йөкләмәсен үтәү, хөрмәтле Илсур Рәисовичка Тулы вәкаләтле вәкиллек бүләген тапшыру зур горурлык», - дип шәрехләде Демидов.
Ул шулай ук билгеләп үткәнчә, системалы, фундаменталь һәм нәтиҗәле эшчәнлек Казанны елдан-ел матуррак итә.
«Бу эшчәнлек өчен зур рәхмәт сезгә. Сезне котлыйм», - дип йомгаклады Виктор Демидов.