Россиялеләргә аларга яңа кредит рәсмиләштерелүе хакында хәбәр итәргә телиләр
Яңа кредит рәсмиләштерү алдыннан россиялеләр бу хакта Дәүләт хезмәтләре порталында белдерү кәгазе ала башлаячак. Әлеге функцияне Россия Банкы РФ Цифрлы үсеш, элемтә һәм массакүләм коммуникацияләр министрлыгы белән берлектә кертергә ниятли. Үзәк банк башлыгы Эльвира Нәбиуллина Халыкара банк форумында шулай дип белдерде. Бу хакта «Российская газета» яза.
«Без кешеләрнең аларга кредит рәсмиләштерелүе белән таныша алуын телибез», - диде ул. Аның сүзләренчә, бу гражданнарны чит кешегә кредит алучы мошенниклардан сакларга ярдәм итәчәк.
Шулай ук мошенниклык белән көрәш кысаларында банклар клиентлар турында мәгълүматларны кредит тарихлары бюросына оператив рәвештә тапшырырга мәҗбүр итәчәк.