ЛегионерУЗ. Бугун Ашурматов, Иброҳимов, Шомуродов, Афонин, Денисов ва Ўринбоев жамоалари ўйнади
Жанубий Кореянинг иккинчи дивизионида 7-тур учрашувлари бўлиб ўтди. Ўзбекистон терма жамоаси ҳимоячиси ҳаракат қилаётган «Гвангю» ўз уйида Жавлон Иброҳимов ўйнаётган «Сувон Сити» клубини қабул қилди. Ашурматов ушбу ўйинда жамоаси сафида дебют голини киритди. Рустам ўйинни тўлиқ ўтказган бўлса, Иброҳимов қайдномадан жой олмади. Учрашувда эса мезбонлар 2:1 ҳисобида зафар қозонди. «Гвангю» мусобақа жадвалида 15 очко билан пешқадамлик қилмоқда. «Сувон Сити» эса 8 очко билан 6-поғонада бормоқда.
Россия чемпионатининг 24-турида Элдор Шомуродов тўп тепаётган «Ростов» клуби меҳмонда Вадим Афонин фаолият олиб бораётган «Оренбург» клубига йирик (3:0) ҳисобида ютқазиб қўйди. Шомуродов учрашувни асосий таркибда бошлаб, 90+2 дақиқада захирага олинди. Тур доирасида Виталий Денисов ҳаракат қилаётган «Крилья Советов» жамоаси Москванинг «Динамо» клуби минимал ҳисобда (1:0) имкониятни бой берди. Денисов ўйинни тўлиқ ўтказган. «Ростов» 35 очко билан мусобақа жадвалининг 7-ўрнидан жой олган бўлса, 27 очко тўплаган самараликлар 12-поғонада турибди.
Ўзбекистон олимпия терма жамоаси ҳужумчиси Забиҳулло Ўринбоев ўйнаётган Япониянинг «Токусима» клуби «Окаяма» билан тўқнаш келиб, 2:1 ҳисобида таслим бўлди. Ўринбоев маълум сабабларга кўра учрашувда қатнашмаган. «Токусима» ҳозирда иккинчи дивизионнинг 10та туридан сўнг, 12 очко тўплаган ҳолда 13-поғонада бормоқда.