Чарчоқ ва ҳолсизликдан халос этувчи маҳсулотлар
Шифокор Лазизбек Қўчқоров:
-Кундалик турмушда тетиклик ва энергияни сақлаб қолиш мушкул. Аммо табиий маҳсулотлар чарчоқ ва ҳолсизликни бартараф қилишга ёрдам беради.
– Банан калий, магний, клетчатка, B ва C гуруҳи витаминлари сингари фойдали моддаларни ўз ичига олади. Бундан ташқари, таркибида чарчоқ ва депрессия билан курашишда аҳамиятли бўлган табиий шакар бўлади.
– Сарфланган энергияни қоплаш ва организмни тетиклаштириш учун ёнғоқ энг яхши вариант. Бундан ташқари, ёнғоқ табиий антиоксидант ҳисобланади, организмни яшартиради ва кўплаб аъзолар фаолиятини яхшилайди.
– Клетчаткага бой ловия ҳазм тизими фаолиятини яхшилайди, организмни шлаклардан тозалайди ва ўз навбатида инсон ўзини тетик ҳис қилишига ҳисса қўшади. Шунингдек, таркибида энергия ишлаб чиқаришда муҳим роль ўйнайдиган B1 витаминини ҳам мавжуд.
«Соғлом ҳаёт»