Հայաստանի և Ադրբեջանի նախագահների հանդիպումը տեղի կունենա հոկտեմբերի 16-ին
Արմինֆո. Հոկտեմբերի 16-ին Ժնևում տեղի կունենա Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը, հաղորդում է ՀՀ նախագահի մամլո գրասենյակը:
Հանդիպումը կազմակերպվել է ԵԱՀԿ Մինսկի խմբի նախաձեռնությամբ: Ավելի վաղ Մինսկի միջնորդները հաղորդել էին, որ երկու պետությունների ղեկավարները պատրաստ են վերսկսել բանակցությունները: Հիշեցնենք, որ նախորդ տարվա ապրիլյան պատերազմից հետո հայկական կողմը հայտարարել էր բանակցությունների անհնարինության մասին` քանի դեռ չեն իրագործվել սահմանային հանցագործությունների հետաքննության և լարվածության նվազեցման մեխանիզմների շուրջ Վիեննայի և Սանկտ Պետերբուրգի պայմանավորվածությունները: