ԵՊՀ ուսանողները հանրահավաք են անցկացնում խորհրդարանի առջև, պահանջելով օրինագծից հանել պարտադիր զինվորական ծառայությունից տարեկետման վերացման մասին դրույթը
Արմինֆո.Երևանի պետական համալսարանի ուսանողները հանրահավաք են անցկացնում խորհրդարանի առջև, պահանջելով օրինագծից հանել պարտադիր զինվորական ծառայությունից տարեկետման վերացման մասին դրույթը:
Ներկայումս պաշտպանության, ազգային անվտանգության և ներքին գործերի հարցերով խորհրդարանական հանձնաժողովը քննարկում է այս օրինագիծը, պաշտպանության նախարար Վիգեն Սարգսյանի մասնակցությամբ: Ուսանողները փորձում են հեռտախողով կապ հաստատել ժողովրդի ընտրյալների հետ, բայց ապարդյուն, նրանց զանգերը մնում են անպատասխան:
Նշենք, որ նախօրեին ուսանողներին ընդունել էր վարչապետ Կարեն Կարապետյանը: Հանդիպմանը մասնակցում էին նաև կրթության և գիտության նախարար Լևոն Մկրտչյանը և պաշտպանության նախարար Վիգեն Սարգսյանը: Նրանք փորձեցին համոզել ուսանողներին օրենսդրական նախաձեռնության նպատակահարմարության մասին, բայց ապարդյուն: Ուսանողներին չհամոզեցին բարձրաստիճան պաշտոնյաների փաստարկները, որից հետո նրանք որոշեցին շարունակել դասադուլը: Ավելի վաղ ուսանողները հրաժարվել էին հանդիպել Վիգեն Սարգսյանի հետ:
Նշենք, որ փաստաթուղթը նախատեսում է պարտադիր զինվորական ծառայության տարկետման լիակատար վերացում, 18 տարին լրացած անձանց համար, ովքեր չունեն զինվորական ծառայության հետ անհամատեղելի առողջական խնդիրներ: Վիգեն Սարգսյանը և Լևոն Մկրտչյանը, ինչպես նաև իշխող վերնախավը գտնում են, որ փաստաթղթի ընդունումը չի հարվածի համակարգին և կրթության որակին, բայց ցուցարար ուսանողներն ունեն արմատապես հակառակ տեսակետ: ՀՀԿ մամուլի քարտուղար Էդուարդ Շարմազանովը կուսակցության գործադիր մարմնի նիստից հետո հայտարարել էր, ուսանողության բողոքի ակցիաները չեն ազդի իշխանությունների դիրքորոշման և օրինագծի ընդունման վճռականության վրա: