Махсус режим кертелә
Язгы-җәйге чорда янгын куркынычы арту сәбәпле, 30 апрельдән 15 майга чаклы Татарстан территориясендә янгынга каршы махсус режим кертелә.
Шушы режим гамәлдә вакытта торак пунктлар территориясендә, урманнарда, паркларда, бакчаларда һәм дачаларда корыган үләннәр һәм чүп-чар яндыру, ачык утта (учакта, мангалларда) ризык хәзерләү тыела.
Хакимиятнең башкарма органнарына ведомствога караган объектлар территориясен корыган үләннәрдән һәм чүп-чардан чистарту-арындыру буенча чаралар күрергә, янгынга каршы су белән тәэмин итү чыганакларының эшкә яраклылыгын тикшерергә, махсус режим кертелгәч янгын куркынычы зур булган эшләр үткәрүне тыярга кирәк.
Янгын куркынычсызлыгы кагыйдәләрен бозучыларга штраф салулар яный: физик затлар өчен 2 меңнән 4 мең сумга кадәр, урындагы кешеләр өчен 15 меңнән 30 мең сумга кадәр һәм юридик затлар өчен 200 дән 400 мең сумга кадәр.