На денешен ден: Советскиот Сојуз почна со бомбардирање на Берлин
Во август 1941 година, додека нацистите напредуваа кон Москва, Смоленск падна, Ленинград беше во смртна опасност и Хитлер изјави дека Советите речиси ја загубија војната, Советскиот Сојуз почна со бомбардирање на Берлин. На 8 август 1941 година, советските авиони исфрлија бомби врз Берлин за прв пат. Морнаричките бомбардери кои оперираа од архиепелагот Мунзунд, извршија 8 напади врз Берли со 3-12 авион во секој напад под команда на полковникот Евгениј Н. Преображенски.
Бомбардирањето беше одговор на нацистичкото бомбардирање на Москва на 22 јули и продолжи до почетокот на септември. И покрај фактот дека оваа кампања не предизвика значителна воена штета на нацистичка Германија, имаше важен психолошки ефект. Всушност, на 8 август, германското радио објави дека во текот на ноќта градот Берлин бил бомбардиран од страна на британските авиони, од кои некои беа уништени. Сепак, Велика Британија негираше каков било напад, а советската страна го потврди успешното бомбардирање на Берлин со тоа што сите авиони се вратија без оштетување.
Истиот ден Сталин ја потпиша Посебната наредба #0265 „За унапредување на учесниците во бомбардирањето на Берлин“ со која, покрај неговата благодарност, секој од членовите на посадите доби и дополнителна плата. Пет од членовите на екипажите на бомбардерите се прогласени за Херои на Советскиот Сојуз за време на Големата Татковинска Војна.
10 советски авиони кои донесоа победа во Втората светска војна