Дмитрий Буликин Головиннинг кетма-кет четлатилишига фикр билдирди
Россия терма жамоасининг собиқ футболчиси Дмитрий Буликин «Монако» марказий ярим ҳимоячиси Александр Головиннинг сўнгги ўйинлардаги ҳаракатлари ҳақида ўз мулоҳазаларини айтди. Бу ҳақда euro-football.ru хабар беради.
Монаколиклар сардори кетма-кет икки учрашувда майдондан четлатилди: Франция чемпионатида «Нант»га қарши баҳсда ва Европа Чемпионлар лигасида «ПСЖ» билан ўйинда.
Буликиннинг таъкидлашича, биринчи қизил карточка қўполлик сабабли эмас, Головиннинг доим курашда бўлгани ва тўпни қайтариб олишга интилгани билан боғлиқ. Иккинчи эпизодни у кўрмаганини айтди, бироқ футболчининг хулқи ўзгариб қолганига ва у футбол ўйнашни истамаётганига ишонмаслигини қўшимча қилди.
Головин жорий мавсумда 26 та учрашувда майдонга тушиб, 2 та гол урди ва 4 та голли узатма амалга оширди. 29 ёшли хавбек «Монако»нинг асосий таркибидаги муҳим фигуралардан бири бўлиб қолмоқда.