7 көн (30.10.21)
Атналык күзәтү.
Россия Президенты Указы нигезендә ил буенча эшләми торган көннәр башланды, алар 7 ноябрьгә кадәр дәвам итәчәк. Татарстан Республикасы Министрлар Кабинеты катлаулы эпидемиологик вәзгыятьтә бәйле рәвештә кертелгән режимда эшләү тәртибен раслады. Тулы локдаун планлаштырылмый, әмма кайбер чикләүләр катгыйлана.
Бу атнада Алтынчы чакырылыш Дәүләт Советының егерме алтынчы утырышы булды. Депутатлар 22 мәсьәлә буенча фикер алышты. Һичшиксез, көн тәртибенең төп мәсьәләсе — 2022 елга, 2023 һәм 2024 еллар план чорына Татарстан Республикасы бюджеты турында закон проекты булды.
Бөтенроссия халык санын алу дәвам итә. Исәпкә алуның беренче 10 көне нәтиҗәләре буенча, Татарстан миллионнан артык кешене санаган Россия төбәкләре унлыгына керде.
Минтимер Шәймиев билгеләп үткәнчә, халык санында катнашу – киләчәк буыннар алдында җаваплы булу дигән сүз.
The post 7 көн (30.10.21) first appeared on ГТРК "Татарстан".